Альсеровтар жұбының отау құрғандарына 14 жыл болды.
Олар қызметте танысты. Отағасы – Аслан ЖҚАЖ-да, Арайлым – Бостандық аудандық полиция басқармасында қызмет етеді. Бүгінде олар жеті баланың ата-анасы.
– Біз Асланның ата-анасының қолдауымен балаларды тәрбиелеу мен полиция қызметкері болып жұмыс істеуді ұштастырып отырмыз. Осы үшін оларға үлкен рақмет. Балалар – біздің мақтанышымыз. Олар оқуда, спортта, шығармашылықта жетістікке жетуде. Айтпақшы, бүкіл отбасымызбен спортпен айналысамыз – бұл бізді біріктіреді, – деді Арайлым Альсерова.
Аслан мен Арайлым қызметте жақсы беделге ие: олардың адал қызметі жас полицейлерге үлгі. Альсеровтар жанұясы үлгілі отбасы ретінде де көпке үлгі.
– Біз Антымызға адал, мамандығымызға берікпіз. Полиция формасын киіп, азаматтардың қауіпсіздігін сақтау біз үшін үлкен мақтаныш, – деп түйіндеді, көпбалалы ана.
Ақпарат көзі Polisia.kz сайтында: https://polisia.kz/almatyda-erli-zajypty-tartip-saqshylary-7-balany-tarbielep-otyr/