Алматыда пәтерден сейф ұрлап, оны троллейбусқа салып әкетпек болған ер адам ұсталды, деп хабарлайды Аqshamnews.kz тілшісі Polisia.kz порталына сілтеме жасап.
Қалалық криминалдық полицияның мәліметінше, күдікті арнайы жүргізілген жедел іс-шара кезінде қолға түскен. Ол пәтерден ұрланған заттардың бір бөлігін нақтырақ айтқанда шағын сейфті қала троллейбусы арқылы алып кетуге тырысқан.
«Қазіргі уақытта күдіктінің осыған ұқсас өзге де қылмыстарға қатысы бар-жоғы тексеріліп жатыр. Біз мүліктік қылмыстарды ашу бағытында күнделікті жұмыс жүргіземіз және қала тұрғындарының мүлкін қорғауға ерекше назар аударамыз», – деді Алматы қалалық полиция департаменті криминалдық полиция басқармасының бастығы Асхат Дәулетияров.
Оқиғаның барлық мән-жайын анықтау үшін тергеу және жедел іс-қимылдар жалғасып жатыр.