Алматыдағы көлдердің бірінде ер адам батпаққа бата жаздады. Оған құтқарушылар дер кезінде көмек көрсетті, - деп хабарлайды Аqshamnews.kz тілшісі.
Оқиға Түрксіб ауданында, Майлин көшесіндегі көлде болған.
"Ер адам батпақты жерде қалып қойғаны туралы хабарлама Алматы қаласы ТЖД-не түсті. Құтқару операциясын жүргізу үшін ҚР ТЖМ Республикалық жедел-құтқару жасағының (РОСО) жедел тобы оқиға орнына аттанды. Келген құтқарушылар ер адамның өздігінен батпақтан шыға алмай қалғанын анықтап, дереу әрекет етті", – деді министрліктегілер.
Зардап шеккен ер адам батпақтан шығарылып, полиция қызметкерлеріне тапсырылды.
Бұған дейін алматылық құтқарушылар 12 қабатты үйдің бесінші қабатында кондиционердің сыртқы блогының кронштейніне ілініп қалған әйелді құтқарған еді.