Алматыдағы демалыс күндеріндегі жәрмеңкелерді ұйымдастырушы «Алматы» ӘКК АҚ қаланың Алатау ауданында ауыл шаруашылығы жәрмеңкесін өткізеді, деп хабарлайды aqshamnews.kz
17-18 мамырда жәрмеңке пилоттық форматта өтеді, бұл жергілікті шаруаларға өз өнімдерін, оның ішінде әлеуметтік маңызы бар азық-түлік өнімдерін сатуға, ал тұрғындарға оларды қолжетімді бағамен сатып алуға мүмкіндік береді.
«Мәдениет» тұрғын үй кешенінің аумағында жеті сауда павильоны орнатылып, онда жылқы, сиыр, қой және құс еті, сүт өнімдері, жұмыртқа, көкөністер мен жемістер, сондай-ақ жаңа піскен нан өнімдері қойылады.
Тұрғындар арасында сұраныс болса, Алатау өңіріндегі жәрмеңке сауда орындары мен сатушылар көбейіп, апта сайын өткізілетін болады.
Қазіргі уақытта мегаполисте демалыс күндері жәрмеңкелер қаланың келесі аудандарында тұрақты түрде өткізіледі:
• Алмалы ауданы - Масанчи көшесі (Әйтеке би көшесі мен Гоголь көшесінің арасы);
• Әуезов ауданы – Өтеген батыр көшесі (Абай даңғылының төменгі жағында)
• Бостандық ауданы – «Қазақфильм» шағын ауданы (әл-Фараби даңғылының үстінде);
• Медеу ауданы – Меңдіқұлова бульвары – Бектұрова көшесі.
Жәрмеңкелерге апта сайын 45 000-нан астам келушілер келеді. Өнімдерді Алматы қаласы мен Алматы облысының 300-ден астам ауыл шаруашылығы тауар өндірушілері мен фермерлері ұсынады.
Сатылымда ет, жұмыртқа, көкөніс, жеміс-жидек, сүт өнімдері, шұжық, бал және басқа да тауарлар бар. Сөрелерде 1000-нан астам азық-түлік тауарлары ұсынылған.
Бағаны тұрақтандыру жөніндегі шаралар шеңберінде жәрмеңкелерде әлеуметтік маңызы бар өнімдер нарықтық құннан 15-20% - ға төмен сатылады