Алматы қалалық кардиология орталығы дәрігерлері 37 жастағы жүкті әйел мен оның іштегі сәбиін ажалдан арашалап қалды, – деп хабарлайды aqshamnews.kz тілшісі.
Жүктіліктің 30-аптасында ауыр халде жеткізілген науқасқа аортаның түбірінен құрсақ бөлігіне дейін созылған ажырайтын аневризма диагнозы қойылған. Бұл – санаулы минуттар ішінде адам өміріне қауіп төндіретін аса қатерлі жағдай.
Ахуа́лды туа біткен жүрек ақауы – қосжармалы аорталық қақпақшаның критикалық стенозы одан әрі ушықтырған. Дәрігерлер шұғыл түрде күрделі симультантты операция жасап, ана мен баланың өмірін сақтап қалды.