Алматыда биыл қанша жұп отау құрып, заңды некеге тұрды? Қанша бала дүние есігін ашты? Аqshamnews.kz тілшісі бұл сұрақтардың жауабын білу үшін "Азаматтарға арналған үкіметтің" АХАТ бөліміне ресми сауал жолдады.
Ведомство мәліметінше, 2025 жылғы қаңтар-желтоқсан аралығында Алматыда 17097 неке тіркелген. Жыл аяғына дейін әлі уақыт бар, сондықтан бұл - аралық дерек.
Кейінгі үш жылдағы статистика қандай?
- 2022 жылы - 18540 неке;
- 2023 жылы - 18403 неке;
- 2024 жылы - 20187 неке тіркелген.
2022-2023 жылдары көрсеткіш сәл төмендеген, ал 2024 жылы қайта өсіп, 20 мыңнан асқан.
Қанша бала дүниеге келді?
2025 жылы 2 желтоқсанға дейін 37606 бала дүние есігін ашқан.
АХАТ ресми жауабында кейінгі үш жыл бойынша туған балалар саны да көрсетілген:
- 2022 жылы - 45114 бала;
- 2023 жылы - 44274 бала;
- 2024 жылы - 42522 бала тіркелген.
Осы сандарға қарағанда, Алматыда туу көрсеткіші жыл сайын біртіндеп төмендеп келеді:
- 2022 мен 2023 жылдар аралығында шамамен 840 балаға азайған;
- 2023 пен 2024 жылдар аралығында тағы 1750 шамасында кеміген.