2024 жылдың 1 желтоқсанында Алматыда өңірлік коммуникациялар қызметінің ұйымдастыруымен БАҚ өкілдері, теледидар қызметкерлері мен блогерлер арасында үстел теннисінен спартакиада өтті. Бұл шараның негізгі мақсаты – кәсіби байланысты нығайту және спортты насихаттау, деп хабарлайды aqshamnews.kz
Турнирге «Алатау Ақпарат», «Спорт плюс Қазақстан», «Бірінші арна «Еуразия», Алматы ТВ сынды танымал медиа өкілдері мен блогерлер командалары қатысты.
Жарыс достық атмосферада өтіп, бейресми қарым-қатынас орнату, тәжірибе және идея алмасу алаңына айналды. Қатысушылар мұндай бастамалардың кәсіби және адами қарым-қатынасты нығайтудағы маңыздылығын ерекше атап өтті.
Жарыс қорытындысы бойынша:
- 1-орын – «Спорт плюс Қазақстан» командасы;
- 2-орын – «ЦМА-2» командасы;
- 3-орын – «Бірінші арна «Еуразия» командасы.
Ұйымдастырушылар мұндай шаралар қоғам өмірінің маңызды бөлігі ретінде спортты насихаттауға ықпал ететінін және медиа саласы мамандары арасында ынтымақтастық рухын нығайтатынын атап өтті.
