2024 жылдың наурыз айынан бастап «Балалар – ел болашағы» РҚБ Алматы қаласының Жұмыспен қамту және әлеуметтік бағдарламалар басқармасының мемлекеттік әлеуметтік тапсырысы аясында «Балаларға иппотерапия қызметі» әлеуметтік жобасын жүзеге асыруда, деп хабарлайды almaty-akshamy.kz
Жоба мүгедектігі бар, психоневрологиялық аурулармен, ақыл-ой кемістіктерімен, тірек-қимыл аппаратының бұзылуымен, соның ішінде церебральды сал ауруы, Даун синдромы және аутизм спектрінің бұзылуы бар 18 жасқа дейінгі балаларға арналған.
Бұл жоба жергілікті бюджет есебінен қаржыландырылып, балаларға тегін қызмет көрсетіледі. Қазіргі уақытта 50 бала иппотерапия қызметін алып жатыр.
Иппотерапия — физиотерапияның бір түрі, ол дене белсенділігін дамытып, бұзылған функцияларды қалпына келтіруге және жоғалған дағдыларды жақсартуға көмектеседі. Қызмет «Тұлпар» ат спорт клубында, Жансүгіров көшесі 252/2 мекенжайы бойынша көрсетіледі.
Қызмет аптасына 3 рет ҚР СТ 3391-2019 «Адаптивті ат спорты бойынша қызметтер» стандартына сәйкес көрсетіледі. Толық ақпаратты +7 707 914 66 07 телефоны арқылы алуға болады.
Бұл жоба балалардың физикалық және психикалық денсаулығын жақсартуға бағытталған маңызды қадам болып табылады. Иппотерапияның оң әсерлері көптеген отбасылардың өмір сапасын арттыруға көмектеседі.