2023 жылғы 27-28 сәуірде Алматы қаласында «Қазақстанның авиациялық әкімшілігі» АҚ Азаматтық авиация комитетінің қатысуымен «Авиациялық қауіпсіздік жөніндегі үйлестіру тобының бірінші отырысын» өткізеді.
Бұл туралы «Қазақстанның авиациялық әкімшілігі» АҚ-ның баспасөз қызметі хабарлады.
Іс-шараға Әзірбайжан, Грузия, Қырғызстан, Өзбекстан және Тәжікстан қатысушы мемлекеттердің авиациялық билік орындарының басшылығы қатысады.
Отырыста ҚР ИИДМ Азаматтық авиация комитетінің төрағасы – Талғат Ластаев, Қазақстанның авиациялық әкімшілігінің бас директоры – Каталин Раду, қатысушы елдердің өкілдері және халықаралық авиация сарапшылары сөз сөйлейді.
Азаматтық авиацияда қауіпсіздікті қамтамасыз ету үшін қажетті ақпаратпен жедел алмасу мәселелері қаралатын болады. Үйлестіру тобына мүше мемлекеттердің ортақ артықшылықтарына қол жеткізуге бағытталған, оның ішінде ИКАО стандарттары мен ұсынылатын практикасын тиімді және уақтылы енгізу жөніндегі бірыңғай саясатты әзірлеу.
Өтетін орны: "Азаматтық авиация академиясы" АҚ Авиациялық қауіпсіздік жөніндегі ИКАО оқу орталығы, Алматы қ., Ахметов көшесі, 44