3 мамыр түнгі уақытта мегаполисте найзағай ойнап, қалада солтүстік-батыстан солтүстік- шығысқа қарай қатты жел соғады.
Оның жылдамдығы секундына 18 метрге дейін жетеді. Бұл туралы Алматы қаласы ТЖД хабарлады.
Сондықтан Төтенше жағдайлар департаменті қала тұрғындарына көлікті ағаштың астында қалдырмауға кеңес берді. Одан бөлек:
– сыртқа қажеттіліксіз шықпау (мүмкіндігінше үйде болу) керек;
– үйде есік пен терезелерді мықтап жабу және ауладан, ашық балкондардан зиян келтіруі мүмкін тұрмыстық заттарды алып тастау ұсынылады;
– көшеде жүргенде билбордтардың, ағаштардың астында, аяқталмаған ғимараттарда жасырынуға болмайды;
– қатты жел кезінде электр беру желілерінің астында тұру және үзілген электр сымдарына жақындау өте қауіпті.
Бүгін Алматының кей аудандарында, әсіресе таулы аймағында бұршақ жауды. Табиғи құбылыстың бейнежазбалары әлеуметтік желіде тарады.