Асқаров көшесінің бір бөлігінде орташа жөндеу жұмыстары жүргізілуіне байланысты көлік қозғалысына уақытша шектеу енгізіледі.
22 тамыз күні сағат 22:00-ден 23 тамыз күні сағат 06:00-ге дейін көлік қозғалысы Әлмерек көшесінен Садықов көшесіне дейінгі аралықта тоқтатылады.
Жөндеу жүріп жатқан аумақта ескерту белгілері қойылып, мердігер ұйым басшысының байланыс деректері жазылған ақпараттық тақта орнатылады. Жүргізушілерден бағыттарын алдын ала жоспарлауды сұраймыз.
Еске салайық, қозғалысқа шектеулер туралы барлық ақпарат @AlmatyJoly Telegram-арнасында, аудан әкімдіктерінің әлеуметтік желідегі парақшаларында, сондай-ақ 2GIS және «Яндекс карталар» қосымшаларында жарияланады.