39 жастағы азамат 1 млн теңге ақшаны алаяқтық жолмен алған.
Сыбайлас жемқорлыққа қарсы қызмет 1983 жылы туған азамат Қоржыбаев Қанатты (бұрынғы тегі Құралұлы) ұстады, деп хабарлайды Аlmaty-akshamy.kz Сыбайлас жемқорлық агенттігіне сілтеме жасап.
«39 жастағы азамат өзін Антикордың қызметкері ретінде таныстырып жүрген. Жалпы, қамқорлық көрсеткені үшін Алматы облысы кәсіпорындарының бірінің басшысынан 1 млн теңге ақшаны алаяқтық жолмен алған. Тінту барысында 2014 жылы таратылған қаржы полициясы қызметкерінің жеке куәлігі тәркіленді», - делінген хабарламада.
Қолда бар мәліметтерге сәйкес, Қоржыбаев бұрын да осындай қылмыстар жасаған болуы мүмкін.
Аталған азаматқа қатысты заңсыз істерді білсеңіз, Антикордың 1424 сall-орталығына хабарласу керек.