1 наурыз – Алғыс айту күніне орай Алматыда «ALGYS FEST» атты мерекелік концерт ұйымдастырылады, деп хабарлайды Aqshamnews.kz тілшісі.
Көктемнің алғашқы күніне тұспа-тұс келетін іс-шара тұрғындар мен қала қонақтарына көтеріңкі көңіл күй сыйлауды мақсат етеді. Мерекелік кеш барысында елге танымал өнер жұлдыздары сахнаға шығады.
Концертте Алашұлы, Raim, Ерке Есмахан, Kalifarniya, Алатау серілері, Арқайым, Нұрсултан Нұрбердиев, Балауса Ерғалина, Серікбол Сайлаубек және өзге де танымал орындаушылар өнер көрсетеді.
Ұйымдастырушылардың айтуынша, бұл күн – бір-біріне алғыс айтып, ризашылық білдіретін ерекше мереке. Концерт қонақтарын әсерлі әндер мен жылы атмосфера күтеді.
Іс-шара 1 наурыз күні сағат 14:00-де Aport Mall East сауда-ойын-сауық орталығында (Құлжа тас жолы, 106) өтеді.
