Форумда Ғылым және жоғары білім министрі сөз сөйлеп, отандық ғылымның дамуы маңызды екенін атап өтті.
Industry Advisory Board (Салалық консультативтік кеңес) – бизнес, салалық кәсіпорындар мен жетекші ғылыми университеттер арасындағы өзара байланысты ашық орнату үшін құрылған платформа,деп хабарлайды Almaty-akshamy.kz Egemen.kz-ке сілтеме жасап.
«Университеттегі ғылымды дамыту – маңызды бағыт. Біздің университеттердің көпшілігі teaching university деңгейінде тұр. Олардың ғылыми-зерттеу университеті форматына ауысуы өте маңызды. Бүгінгі таңда ғылымға бөлінетін қаржы 3,5 есе артты. Қазір мақсатты қаржыландыру форматы мен бағдарламасы қайта қаралып жатыр. Университеттерге өсу нүктелерін қалыптастыруға мүмкіндік беретін алғаш рет «мега грант» ұғымы (қаржыландыру тұрғысынан) енгізілуі мүмкін», - деді Саясат Нұрбек.
Сондай-ақ форумда коммерцияландыру бойынша ғылыми университеттер Альянсының құрылғаны туралы жарияланды.