Ғимараттарды тазалау жұмыстары 20 құрылыс компаниясының күшімен жүргізілді, 800-ге жуық адам және 40-тан астам арнайы техника тартылды. Әкімдік ғимаратының сыртқы жағына қасбеттік тор орнатылды.
Алматы әкімі Бақытжан Сағынтаевтың төрағалығымен өткен аппараттық кеңесте жайлы қалалық орта басқармасының басшысы Сапар Нұрашев қаланың зардап шеккен нысандары бойынша қалпына келтіру жұмыстарының барысы туралы есеп берді, деп хабарлайды Almaty-akshamy.kz
С. Нұрашевтің айтуынша, басқару нысандары бойынша жұмыстар толық көлемде жаңартылды.
Бұл - 35 әлеуметтік нысан, 58 инженерлік-коммуникациялық инфрақұрылым жобасы және Түрксіб ауданының "Қайрат" шағынауданында 41 тұрғын үйдің құрылысы.
Жаңа құрылыс нысандарындағы жұмысшылар саны шамамен 2300 адамды құрайды, апта басында 1400 адам болды.
Қалпына келтіру нысандарының бастапқы тізімі 31 объектіден тұрды. Осы нысандарды қарау барысында жеке меншіктегі мынадай объектілер ШОБ санатына ауыстырылды: «Мир 24» телеарнасы; «Алматы халықаралық әуежайы» ғимараты; Nur Otan партиясының ғимараты (Төле би көшесі, 277). Сонымен қатар, келіссөздер барысында Тұңғыш Президент Қорының ғимаратын Қордың өз қаражаты есебінен қалпына келтіру туралы шешім қабылданды.
«Жоғарыда көрсетілген объектілерді алып тастағаннан кейін 27 oбъект қалпына келтірілуге жатады, оның ішінде 10 объект бойынша қалпына келтіру бюджет қаражаты есебінен жүргізілетін болады. Олар: әкімдік ғимараты, «Қазақстан» телеарнасы, Президент резиденциясы, прокуратура өкілдігінің және құқықтық статистика және арнайы есепке алу жөніндегі комитет басқармасының ғимараты. Сондай-ақ 6 нысанға ағымдағы жөндеу жұмыстары жүргізілді: полиция департаментінің ғимараты және фронт-офис, Алмалы аудандық полиция басқармасының ғимараты және фронт-офис, Алмалы аудандық полиция бөлімінің ғимараты және фронт-офис», - деп атап өтті қалалық жайлы орта басқармасының басшысы.
Ол «ҚазҚСҒЗИ» АҚ, «КазМИРР» АҚ (Қазақстандық көпсалалы қайта құру және даму институты – Президент Резиденциясының ғимараты) институтымен және басқа да аккредиттелген ұйымдармен техникалық тексеру, ЖСҚ әзірлеу және ағымдағы жөндеу бойынша сметалық есептер бойынша жұмыстар жүргізіліп жатқанын хабарлады.
Қалған 17 нысан аз ғана шығынға ұшырады, соның негізінде қалпына келтіру бизнестің әлеуметтік жауапкершілігі аясында жүргізіледі.
Бұл 5 денсаулық сақтау нысаны: №7 қалалық клиникалық аурухана, қалалық кардиологиялық орталық, №1 перзентхана, Алмалы ауданының МСАК №12 орталық клиникалық ауруханасы; полиция департаментінің 10 модульдік бекеті; Әуезов және Жетісу аудандарының фронт-кеңселері бар 2 полиция басқармасының ғимараты.
Сонымен қатар, С. Нұрашевтің айтуынша, ҚР Құрылыс істері жөніндегі комитет басшысының төрағалығымен бірнеше кеңес өткізілді, онда 21 қаңтарға дейін барлық объектілер бойынша ағымдағы жөндеудің барлық объектілері бойынша сметалық есептерді дайындау; 25 қаңтарға дейін барлық объектілерге техникалық тексеруді аяқтау; 15 наурызға дейін күрделі жөндеумен қайта жаңарту жүргізілетін объектілер бойынша ЖСҚ әзірлеуді аяқтау жөнінде шешім қабылданды.
«Мемсараптама» РМК Алматы филиалы сараптама қорытындысын алғанға дейін барлық кезеңдерде ЖСҚ әзірлеуді сүйемелдейді. Барлық нысандар бойынша мердігер және жобалау ұйымдары анықталды.
Сондай-ақ, Алматы қаласының ҚЖОБ басшысы 12 қаңтардан бастап Президент Резиденциясының ғимаратынан басқа 9 нысан тазартылғанын айтты, оған 17 қаңтардан бастап кіруге болады. Ғимараттарды тазалау жұмыстары 20 құрылыс компаниясының күшімен жүргізілді, 800-ге жуық адам және 40-тан астам арнайы техника тартылды. Әкімдік ғимаратының сыртқы жағына қасбеттік тор орнатылды.
