Алматыда әлемнің 18 елінен 80-нен астам үздік әртістер өнер көрсетті

Қазақ мемлекеттік циркінің ұжымы 54 жылдығын атап өтті. Өткен жылы, араға 35 жыл салып, цирк артистері Алматы қала­сы әкімдігінің қолдауымен шетелге гаст­рольдік сапарларын қайта бастады. Қытай мен Ресейдің үздік цирк мектептерінде біліктілігін арттырып, оқудан өтті, елден тыс жерлерде беделді конкурстар мен фес­тивальдарда марапаттарға ие болды. Енді екінші жыл қатарынан аты аңызға айналған Қазақ мемлекеттік циркі Халықаралық фес­тиваль өткізіп отыр. 

«Біздің цирктің жарты ғасырдан астам тарихы бар және оның өз фестивалі болуы керек. Біз артистеріміздің жетістіктерін мақтан тұтамыз. Алматы циркі халықара­лық аренада белсенді жұмыс істеуде. Қазір әкімдік айрықша қолдау көрсетіп келеді, бұ­ған біз өте қуаныштымыз. Біз үлкен жос­парларды жүзеге асыра отырып, мәдени туризмді дамытуға өз үлесімізді қосып жа­тырмыз. Алматы тұрғындары мен қонақта­ры әлемнің үздік артистері ұсынған қойы­лымдарды өз көздерімен көруі тиіс», – деп атап өтті Қазақ мемлекеттік циркінің дирек­торы Мақсат Жайықов.

ALMATY CIRCUS FESTIVAL аясында эквилибристер, акробаттар, әуе гимнастта­ры, арқанмен жүрушілер мен жонглерлер өздерінің кәсібилігі мен шеберлігін көрсету­де. Көрермендерді таңқалдырып, ұмытыл­мас шоу ұсыну үшін артистер қауіпті, қы­зықты әрі күрделі трюктерді орындады. Қызықты фактілердің бірі: Қытайдан келген қатысушы Ван Манчэн өзімен бірге салмағы екі тоннаға жуық ауқымды реквизиттерді алып келген. Айта кетейік, фестивальде Ма­рина Стародубова мен Даяна Жетпісова «Жаңбырдағы ұшу» нөмірімен, сондай-ақ Нұрым Құленбаевтың жетекшілігімен жонг­лер-виртуоздар Қазақстан атынан өнер көр­сетті.

Фестиваль 28 шілдеге дейін жалғасты, ал жеңімпаздар мен жүлдегерлер Алматыда қа­лып, тамыз айының соңына дейін мегаполис тұрғындары мен қонақтарына фестиваль бағдарламасымен өнер көрсетеді. Қазақ мем­лекеттік циркінің әрі ALMATY CIRCUS FESTIVAL қойылымдарының бас режиссері Марина Редько артистер нағыз шоу жасаға­нын айтты. Бағдарлама Қазақстан үшін сирек кездесетін жанрлармен қамтылған.

«Өткен жылы бірінші фестивальде тіс­пен трюк жасаған нөмірлер болды. Ал осы жылы артистер «аяқпен», өкшемен өте күрделі трюктар орындады. Қазір жазғы демалыс, осы уақытта балалар мен ересек­тер әлемнің үздік цирк артистері ұсынған қойылымдарды тамашалағанын қалай­мын», – деп атап өтті Марина Редько.

Жарыс қорытындысы бойынша гран при «Үшінші дем» нөміріне берілді. Өз­бекстандық даршылар Кристина Воробьё­ваның жетекшілігімен жеңімпаз атанды. Отандастарымыз да жүлдесіз қалмады «Жауында ұшу» нөмірімен жұптасқан әуе белдіктерінде өнер көрсеткен Марина Ста­родубова мен Даяна Жетпісова күміс жүл­де иегері атанды. Бұл жұптың жетекшісі жетекшісі Қазақстан Республикасының еңбек сіңірген қайраткері Құрманғали Дос­батыров.

«ALMATY CIRCUS FESTIVAL» жеңім­паздары мен жүлдегерлерінің қатысуымен өтетін фестиваль бағдарламасы 2024 жылдың 25 тамызына дейін жалғасады.

Билеттерді цирк кассасынан және Freedom Ticketon-нан сатып алуға болады.