Алматы қаласында 2 сәуір күні таңғы уақытта Жетісу ауданындағы Новгородская көшесінде орналасқан алты қабатты әкімшілік ғимараттан өрт шықты. Жалын ғимараттың шатыры мен сыртқы қаптамасын шарпыған. Өрт жеңіл тұтанғыш материалдардың болуы себепті жылдам таралған. Бұл туралы Aqshamnews.kz сайты хабарлайды.
Төтенше жағдай орнына 25 арнайы техника мен 85 өрт сөндіруші дереу тартылды. Сонымен қатар, өртті сөндіруге бірқатар мемлекеттік емес ұйымдар да көмек көрсетті. Атап айтқанда, «Алматы Су» мекемесі өрт сөндіру үшін суды үздіксіз жеткізіп отырды. Бұл өрттің ауқымды аумаққа жайылып кетуінің алдын алуға көмектесті.
Оқиға орнында жедел басқару штабы жұмыс істеді. МЧС мәліметіне сәйкес, өрт сөндірушілердің жедел және үйлесімді әрекетінің нәтижесінде оттың кеңінен таралуына жол берілмеген. Қызыл жалын толықтай ауыздықталды. Бақытымызға орай, адам шығыны мен жарақат алғандар жоқ.
«Оқиға орнында жедел штаб құрылды. Су үздіксіз жеткізіліп отырды. Өрт толық сөндірілді. Зардап шеккендер жоқ», – делінген ҚР Төтенше жағдайлар министрлігінің ресми хабарламасында.
