Алматы қаласының Өңірлік коммуникациялар қызметі Ұлы Отан соғысының қатысушысы, қазақтың көрнекті жазушысы және журналист Әбдіжамил Нұрпейісовтің 100 жылдығына арналған спартакиада ұйымдастырды. Шара бағдарламасына мини-футбол және волейбол жарыстары енді.
Мерекелік шараның басты мақсаты – БАҚ өкілдері мен блогерлер арасындағы байланысты нығайту және салауатты өмір салтын насихаттау. Жарысқа Нур.кз, «Спорт плюс Қазақстан», «Медиа лиц» командасы, ЦМА, «Алатау ақпарат», Алматы ТВ және басқа да медиа өкілдері мен блогерлердің командалары қатысты.
Турнир достық әрі ынтымақтастық атмосферасында өтті. Ол журналистер мен блогерлер үшін бейресми қарым-қатынас орнатып, тәжірибе және идеялар алмасуға тамаша алаң болды.
Жарыс нәтижесінде:
- 1-орын – «Баскетбол» командасы;
- 2-орын – «Спорт плюс Қазақстан» командасы;
- 3-орын – Нур.кз командасы.
Мұндай іс-шаралар кәсіби және адами қарым-қатынасты нығайтуға, сонымен қатар спортты қоғам өмірінің ажырамас бөлігі ретінде насихаттауға ықпал етеді.