2024 жылы Алматы қаласында 2 миллион 420 мың шаршы метр тұрғын үй салынды. Бұл көрсеткіш өткен жылмен салыстырғанда аздап төмендегенімен, құрылыс қарқыны жоғары деңгейде сақталуда. Бұл туралы Aqshamnews.kz сайты хабарлайды.
Қалалық жоспарлау және урбанистика басқармасының басшысы Нұрлан Боранбаевтың айтуынша, биылғы жылы 2,52 млн шаршы метр тұрғын үйді пайдалануға беру жоспарланып отыр. Оның ішінде:
🔹 435-436 мың шаршы метр – жеке тұрғын үй құрылысы (ИЖС);
🔹 22 500 пәтер – көпқабатты тұрғын үйлерде;
🔹 1 500 үй – жеке секторда.
Бұл жаңа баспаналар 110 мыңға жуық тұрғынды қамтуға мүмкіндік береді. Сондай-ақ, 3 050 отбасы мен жас маман баспанамен қамтылады. Оның 2 000-ы – әлеуметтік осал топтарға, 1 050-і – жұмыс істейтін жастарға беріледі.
Қалада құрылыс қарқыны жоғары болғанымен, білікті мамандарға сұраныс артып келеді. Алматинский колледж архитектуры, дизайна и инженерии және Алматы құрылыс-техникалық колледжі осы салаға қажетті слесарь, сантехник, дәнекерлеуші, электромонтажшы, ағаш өңдеу мамандары мен жылжымайтын мүлік басқару саласының кадрларын даярлауда.
Колледждер қаладағы ірі құрылыс компанияларымен тығыз байланыста жұмыс істеп, студенттерге өндірістік тәжірибеден өтуге мүмкіндік береді. Бұл Алматының құрылыс саласындағы кадр тапшылығын азайтуға септігін тигізіп отыр.