Қазақстанда 2013 жылдан бері қыркүйектің екінші жексенбісі Отбасы күні ретінде атап өтіледі. Бұл күн шаңырақ құндылығын ұлықтап, қоғамдағы отбасылық институттың жай-күйіне назар аудартатын мереке саналады. Алматыда қанша отбасы бар және қанша жұп ажырасқан? Aqshamnews.kz тілшісі бұл сұарқтардың жауабын іздеп көрді.
Алматыдағы отбасы саны
Ұлттық статистика бюросының мәліметінше, биыл маусымда 870 неке қиылған. Ал жыл басынан бері 4421 жұп ресми түрде шаңырақ көтерген.
Биылғы статистика:
- қаңтар - 634;
- ақпан - 737;
- наурыз - 677;
- сәуір - 751;
- мамыр - 752;
- маусым - 870.
Айта кетейік, жыл басынан бері жалпы республика бойынша 51370 жұп некеге тұрған.
Кейінгі жылдарды сараласақ:
- 2023 жылы - 13074
- 2024 жылы - 10787 жұп үйленген.
Алматыда алғаш рет отбасын құрғандардың орташа жасы қандай?
- ерлер - 28;
- әйелдер - 26.
Сондай-ақ, қалада отбасын құрғанына 20 жылдан асқан 557 жанұя бар.
Нұрболсын Өріс
Былтырғы статистика бойынша, қалада мүлдем некеге тұрмаған 10199 ер адам бар. Оның ішінде 60-тан асқан 36 қария тұрады. Сондай-ақ, 10768 әйел күйеуге мүлдем шықпаған. Оның 25-і 60-тан асқан.
Ажырасу статистикасы
Биыл маусымда Алматыда 205 ажырасу тіркелген, бұл - еліміз бойынша жоғары көрсеткіштердің бірі. Ал жалпы жыл басынан 1120 жұп ажырасып үлгерген.
Қазақстан бойынша бұл статистика көңіл көншітпейді, жыл басынан 21531 отбасы екіге кеткен.
- 2023 жылы - 4761;
- 2024 жылы - 2108 жұп ажырасқан.
Бір қызығы, қалада ажырасу ең көп тіркелетін жас шамасы – 30 бен 34 жас аралығы.
Ажырасудың негізгі себептері ретінде экономикалық қиындықтар, урбанизация, әлеуметтік желілердің әсері және отбасылық дағдарыстар аталады.