"Қазгидромет" Астана, Алматы және басқа да қалалардың тұрғындарына ескерту жасады, - деп хабарлайды Аqshamnews.kz.
"21 шілдеде Қостанай, Ақтөбе, Алматы, Астана қалаларында түнде қолайсыз метеорологиялық жағдайға байланысты ауа ластанады", – делінген хабарламада.
Қолайсыз метеорологиялық жағдай - ауаның беткі қабатында зиян заттар шоғырлануына ықпал ететін қысқа мерзімді метеофакторлар (тымық ауа райы, жел, тұман) жиынтығы.
Инверсия – бұл жылы ауа қабаты суық ауаның үстінде орналасатын ауа райы құбылысы. Әдепкі жағдайда жерге жақын ауа жылы болады да, жоғары көтеріліп, ластайтын заттарды бірге алып кетеді. Ал инверсия кезінде суық ауа төменде қалып, жылы ауа оны "жауып" тұрады. Соның салдарынан шығарындылар, шаң мен түтін жерге жиналып қалады. Бұл әсіресе қала жағдайында байқалады.