Жыл соңына дейін тексеру актілерін толықтай электрондық форматқа көшіру жоспарлануда, деп хабарлайды aqshamnews.kz тілшісі.
Алматы қаласы Энергетика және сумен жабдықтау басқармасының шаруашылық жүргізу құқығындағы «Алматы Су» мемлекеттік коммуналдық кәсіпорны қаланың сумен жабдықтау және су бұру жүйесін басқаруға цифрлық технологияларды енгізуде. Негізгі міндет – инфрақұрылымды, деректерді және өндірістік процестерді бірыңғай цифрлық жүйеге біріктіру.
Қазіргі уақытта геоақпараттық жүйеде (ГАЖ) су құбыры және кәріз желілерін электрондық паспорттау, олардың кеңістіктік моделін өзектендіру, сондай-ақ объектілерді, желілік тораптар мен есепке алу нүктелерін бірыңғай ақпараттық жүйеге біріктіру жұмыстары жалғасуда.
Алдағы уақытта су ағындарын анықтау, желілердің жай-күйін талдау және сумен жабдықтау режимдерін оңтайландыру үшін цифрлық қосарды (Цифровой двойник), гидравликалық модельдеуді және жасанды интеллект технологияларын енгізу жоспарлануда.
Тұтынушыларға арналған цифрлық сервистер де кеңейтілуде. Желілерге қосылуға арналған техникалық шарттар қазірдің өзінде онлайн режимінде беріледі, шарт жасасу процесі электрондық форматқа көшірілді, ал түбіртектердегі деректерді өзгерту проактивті режимде жүзеге асырылады.
Жыл соңына дейін тексеру актілерін толықтай электрондық форматқа көшіру жоспарлануда. Мамандар құжаттарды тікелей планшеттер арқылы рәсімдей алады, бұл оларды өңдеу уақытын қысқартуға мүмкіндік береді.
Нәтижесінде Кәсіпорын инфрақұрылымды бақылауға, жөндеу жұмыстарын жоспарлауға және өндірістік процестерді басқаруға арналған бірыңғай цифрлық құралға ие болады, ал тұрғындар үшін онлайн-сервистер саны артып, қағазбастылық азаяды.
Байланыс телефондары: +7 (727) 227-60-24, +7 (775) 681-23-32, +7 (702) 100-27-65, almatysu.kz.