Алатау ауданында жаңа сорғы станциясы пайдалануға берілді, деп хабарлайды aqshamnews.kz тілшісі.
Алматы қаласы Энергетика және сумен жабдықтау басқармасының шаруашылық жүргізу құқығындағы «Алматы Су» мемлекеттік коммуналдық кәсіпорны Алматы қаласының сумен жабдықтау және су бұру жүйелерінің сенімділігін арттыруға бағытталған 2026 жылғы жөндеу науқанын аяқтауда.
Ағымдағы жылы Кәсіпорынның инвестициялық бағдарламасы есебінен ең көп тозған 54 км су құбыры және 9 км кәріз желісін ауыстыру қамтамасыз етіледі.
Желілерді қысқы кезеңге дайындау аясында 800 км-ден астам су құбыры және кәріз желілері жуылып-тазартылды, шамамен 270 бірлік сорғы жабдығы жөнделіп, ауыстырылды, 12 резервуар жуылып-тазартылды, 10 мыңнан астам өрт гидранты тексерілді. Тозған ысырмалар мен өзге де жабдықтарды ауыстыру жұмыстары жүргізілуде.
Алатау ауданында жаңа сорғы станциясы пайдалануға берілді. Аталған нысан ауданның батыс бөлігіндегі сумен жабдықтаудың сенімділігін арттырып, судың үздіксіз берілуін қамтамасыз етуге мүмкіндік берді.
Наурызбай ауданында сумен жабдықтау көздерінің қуатын арттыру жұмыстары жалғасуда. Бұл ауданның су ресурстарына деген өсіп келе жатқан қажеттілігін қамтамасыз етуге мүмкіндік береді.
Инфрақұрылымды жаңғырту қаланың одан әрі дамуына елеулі үлесін қосып, қызмет сенімділігін арттыра түспек.
Байланыс телефондары: +7 (727) 227-60-24, +7 (775) 681-23-32, +7 (702) 100-27-65, almatysu.kz.