Қаланың кәріз жүйесіне түсетін өндірістік сарқынды суларға қойылатын талаптар күшейтілуде, деп хабарлайды aqshamnews.kz тілшісі.
Жаңа Су кодексінде су ресурстарын ұтымды пайдалану, су үнемдеу технологияларын енгізу және сарқынды сулардың ластануын азайту жөніндегі шаралар көзделген.
Суды көп тұтынатын нысандар үшін айналымды сумен жабдықтау жүйелерін қолдану қарастырылған. Алматы қаласында бұл бағыттағы жұмыс қазірдің өзінде жүргізілуде: жыл басынан бері 300-ден астам автожуу орны су үнемдеу технологияларын енгізді.
Қалада суды ұқыпты пайдалану бойынша халық, бизнес өкілдері және өнеркәсіптік кәсіпорындар арасында ақпараттық науқан да жүргізілуде.
Қаланың кәріз жүйесіне түсетін өндірістік сарқынды суларға қойылатын талаптар күшейтілуде. Өндірістік нысандар жергілікті тазарту құрылыстарымен және сарқынды сулардың құрамын тұрақты бақылау жүйелерімен жабдықталуы тиіс, ал қоғамдық тамақтану нысандары майұстағыштардың тиісті деңгейде пайдаланылуын қамтамасыз етуі қажет.
«Алматы Су» кәріз тазарту құрылыстарын жаңғырту аясында суды су дайындау технологиялық процестерінде қайта пайдалануды кеңейтуді және сарқынды суларды тазарту сапасын арттыруды жоспарлап отыр.
Суды үнемдеу, ластануды азайту және су ресурстарын қайта пайдалану – қаланың тұрақты сумен жабдықтау және су бұру жүйесін дамытудың негізгі бағыттары болып табылады.
Байланыс телефондары: +7 (727) 227-60-24, +7 (775) 681-23-32, +7 (702) 100-27-65, almatysu.kz.