Алматы полициясы "Қайрат"-"Пафос" матчі қарсаңында жанкүйерлерге үн қатты, - деп хабарлайды aqshamnews.kz тілшісі.
Полицияның мәліметінше, матч кезінде көлік қозғалысына ішінара шектеу енгізілуі мүмкін. Осыған байланысты алматылықтардан өз бағытын алдын ала жоспарлап, уақытша шараларға түсіністікпен қарау сұралды.
"Алматы полициясы футбол кеші тыныш әрі жайлы өтуі үшін барлық шараны қабылдап жатыр. Мұндай іс-шаралардағы қауіпсіздік тәртіп сақшыларына ғана емес, азаматтардың жауапкершілігіне де байланысты", - деді Алматы ПД Қоғамдық қауіпсіздік басқармасы бастығының орынбасары Тимур Ноғайбаев.