Алматыда Кайрат Нұртастың концерті алдында қауіпсіздік шаралары күшейтілді, деп хабарлайды Aqshamnews.kz тілшісі.
Алматы қалалық полиция департаменті 31 қазанда Орталық стадионда өтетін Кайрат Нұртастың концертіне байланысты қоғамдық тәртіп пен көрермендердің қауіпсіздігін қамтамасыз ету мақсатында қалада қауіпсіздік шараларын күшейтті.
Жол кептелістерінің алдын алу үшін көлік қозғалысы Абылай хан даңғылы – Байтұрсынов, Мұқанов және Сәтбаев көшелерінің аралығында ішінара шектелуі мүмкін.
Полиция тұрғындар мен қала қонақтарын енгізіліп жатқан шараларға түсіністік танытып, жол бағытын алдын ала жоспарлауға шақырды.
"Қоғамдық тәртіпті сақтаңыздар және полиция қызметкерлерінің нұсқаулығына құлақ асыңыздар. Қала тұрғындары мен қонақтарының қауіпсіздігі – біздің басты міндетіміз", – делінген полиция хабарламасында.
Құқық қорғау органдары барлық шаралар қала тұрғындары мен қонақтары үшін мәдени шара кезінде жайлы және қауіпсіз жағдай жасауға бағытталғанын атап өтті.