Ұсталған ер-азаматтар алматылықтарға «арзан» пәтер мен көлік ұсынған.
Алматы полицейлері қала тұрғындарын алдаған алаяқтарды ұстады, деп хабарлайды Almaty-akshamy.kz.
Ішкі істер министрлігінің ресми сайтындағы мәлімет бойынша, 1983 және 1985 жылы туған ер адамдар бірнеше ай бойы қымбат көліктер мен пәтерлерді жалға алып, оларды қысқа мерзімде арзан бағаға қайта сатқан.
«Сатып алушылар таныстар арқылы табылды, “сарафанды радио” жұмыс істеді. Олар сатып алушыларды жылжымайтын мүлікке құжаттар кейінірек берілетініне сендіре алды. Бұл фактор еркектерге алданып қалған азаматтардан тауар үшін толық төлем алуға кедергі болмады. Алаяқтық фактісі бойынша ҚР ҚК-нің 190-бабы 4-бөлігі бойынша сотқа дейінгі тергеу басталды. Тергеу шаралары барысында “дуэттің” қылмыстық әрекетінің қосымша эпизодтары анықталды. Қазіргі уақытта оларға қатысты тағы бес қылмыстық эпизод дәлелденді. Тергеу кезеңінде ұсталғандарға қатысты қамау түріндегі бұлтартпау шарасы таңдалды. Сонымен қатар, осы адамдардың қылмыстық әрекеттерінен зардап шеккен азаматтар болса, мына телефон нөмірлері бойынша бізге хабарласуын сұраймыз: + 7-708-707-92-02; + 7-705-555-77-63; + 7-775-774-44-41 және + 7-775-106-18-84», - деді Алмалы аудандық полиция басқармасының бастығы Есен Ысқақов.
