Күдікті азамат Алматыға жеткізілді.
Полиция мамандары заңсыз біреудің көлігін Шығыс Қазақстан облысына айдап әкеткен азаматты ұстады, деп хабарлайды Almaty-akshamy.kz Алматы қалалық полиция департаментінің баспасөз қызметіне сілтеме жасап.
Полиция мәліметі бойынша, Алмалы ауданының тұрғыны полицияға көліктің жоғалып кеткендігі туралы арызбен жүгінген. Арызданушының айтуынша, оның «Тойота Сюрф» маркалы көлігі Брусиловский көшесінде орналасқан үйдің тұрағынан жоғалып кеткен.
Полицейлердің айтуынша, жедел іздестіру іс-шаралары барысында көлік табылды. Мамандар оны 1989 жылы туған Шығыс Қазақстан облысының тұрғыны А.есімді азаматтан тәркілеп алды.
«Ол Өскеменге бөтеннің көлігімен кетіп қалған, сол жерде ұрланған көлікті сатуды жоспарлаған. Жедел уәкілдер тағы екі сыбайласын Алматыда ұстады. Бұл 37 жастағы Ф. және Н.есімді азаматтар. Тергеу барысында өте қызықты факт пайда болды - күдіктілердің бірі осы тұрғын үй кешенінде күзетші болып жұмыс істеген және өзіне ұнаған көліктің тұрақта бірнеше жыл бойы қозғалыссыз тұрғанын білген. Ол достарын ұрлау арқылы қосымша ақша табуға шақырған. Айғақты заттар Алматыға әкелінді, күдікті де осында жеткізілді. Айдап әкету фактісі бойынша Алмалы аудандық полиция басқармасы тергеу жүргізіп жатыр», – деді Алматы қалалық ПД криминалдық полиция басқармасының бастығы, полиция подполковнигі Қуатбек Науатов.
