Алматы облысы Іле ауданына қарасты Байкент ауылында төтенше жағдай болып, ер адам тереңдігі шамамен төрт метр болатын шұңқырға құлап кеткен,- деп хабарлайды Аqshamnews.kz тілшісі ТЖМ баспасөз қызметіне сілтеме жасап хабарлайды.
Оқиға қалай болды?
Төтенше жағдай туралы хабар 112 нөміріне келіп түскен. Шақырту бойынша оқиға орнына құтқарушылар жедел жетіп, штурмалық баспалдақ арқылы шұңқырға түсіп, 1978 жылы туған азаматты жоғарыға шығарды.
Ер адамға алғашқы медициналық көмек көрсетілгеннен кейін, ол әрі қарай тексеру үшін жедел жәрдем бригадасына тапсырылды.
ТЖМ ескертуі
ҚР Төтенше жағдайлар министрлігі азаматтарға өмірге қауіп төнген сәтте немесе төтенше жағдай кезінде бірден 112 нөміріне қоңырау шалуға шақырады.