Пойыз 20 маусым мен 2 қараша аралығында еліміздің 67 шалғай станциясына барады.
Бүгін «Саламатты Қазақстан» мамандандырылған медициналық пойызы Алматы облысының Байсерке станциясынан жолға шықты, деп хабарлайды Almaty-akshamy.kz
Медициналық пойыз Жетісу облысына барып, шалғай станциялар мен разъездерде тұрғындарға қызмет көрсетеді.
Маршрут келесі облыс аумақтары арқылы өтеді: Алматы, Шығыс Қазақстан, Павлодар, Солтүстік Қазақстан, Ақмола, Қостанай және Қарағанды облыстары, сондай-ақ үш жаңа өңір – Жетісу, Абай және Ұлытау.