«Алматы жылу желілері» ЖШС қызметкерлері сайлау учаскесіне барып, Қазақстанда атом электр станциясын (АЭС) салу мәселесі бойынша таңдау жасады.
Ұзақ жыл бойы кәсіпорында жұмыс істеп келе жатқан шебер Ұлан Тойчибековтің айтуынша, өзі және әріптестері дауыс беруге белсенді қатысты.
«Жылумен жабдықтау – бұл энергетика саласының ажырамас бөлігі, сондықтан әрқайсымыз дауыс беруіміз керек екенін түсінеміз. Әріптестерімізбен осындай маңызды мәселенің референдум аясында талқыланғанын қолдаймыз», - деді Тойчибеков.
Естеріңізге сала кетейік, бүгін Қазақстан аумағында АЭС салу мәселесі бойынша республикалық референдум өтіп жатыр. Алматы тұрғындары сайлау учаскесіне барып, сағат 20:00-ге дейін дауыс бере алады.