Ішкі істер министрлігі жариялаған профилактика жылы аясында Алматы қаласының аумағында “Қауіпсіз жол” жедел-профилактикалық іс-шарасы жалғасуда.
Шараның басты мақсаты – жол қозғалысына қатысушылардың тәртіп деңгейін арттыру, азаматтардың өмірі мен денсаулығына нақты қауіп төндіретін өрескел құқық бұзушылықтардың алдын алу және жолын кесу. Профилактикалық жұмыс заңдылық, ашықтық және адам өмірінің басымдығы қағидаттарына негізделеді, деп хабарлайды aqshamnews.kz Polisia.kz-ке сілтеме жасап.
Іс-шара басталғалы бері Алматы қаласында жол қозғалысы саласында 52 мыңнан астам құқық бұзушылық анықталды.
Жиі кездесетін құқық бұзушылықтар қатарында:
• Маневр жасау ережелерін бұзудың 3 мыңнан астам дерегі;
• Қарама-қарсы бағытқа шығудың 222 жағдайы;
• Бағдаршамның тыйым салатын белгісінен өтіп кетудің 453 дерегі;
• 439 жүргізуші көлікті мас күйде басқарғаны үшін ұсталды;
• Жүргізуші куәлігінсіз көлікті басқарған 2 мың 162 жүргізуші;
• 2775 көлік айыппұл тұрағына қойылды, оның ішінде 935 мопед бар.
Алматы қаласының жергілікті полиция қызметі азаматтарды жол қозғалысы ережелерін қатаң сақтауға шақырады.
— Жолдағы әрбір құқық бұзушылық — бұл әлеуетті қайғылы жағдай. Біздің шараларымыз тек құқық бұзушыларды анықтауға емес, сонымен қатар жол-көлік оқиғаларының алдын алуға бағытталған. Жол қозғалысы ережелері – бұл жай ғана формалдылық емес, сіздің және айналаңыздағы адамдардың қауіпсіздігінің нақты кепілі. Барша жол қозғалысына қатысушыларды Заңды сақтауға және жолда бір-біріне құрметпен қарауға шақырамын, — деді Алматы қаласы ПД жергілікті полиция қызметі басқармасының бастығы Серік Шумаев.