Танымал жас әнші әрі әндердің авторы Ерік Төленов (Kyle Ruh) Қазақстанда атом электр станциясын салу бойынша референдумда дауыс берді.
Әнші Алматы қаласындағы №564 учаскесінде дауыс берді. Ол референдумның маңыздылығын атап, әрбір азаматқа пікірін білдіруге бірегей мүмкіндік беріліп отырғанын айтты.
«Мен өз азаматтық борышымды орындап, дауыс бердім. Дұрыс шешім қабылдадым деп санаймын», - деп жас әнші Алматыда жастардың референдумға қатысып жатқанын жеткізді.
Еске сала кетейік, бүгін ел бойынша АЭС құрылысы мәселесі бойынша республикалық референдум өтіп жатыр. Алматылықтар тұрғылықты жері бойынша сайлау учаскесіне барып, сағат 20.00-ге дейін дауыс бере алады.