Зардап шеккен жүргізуші жансақтау бөліміне түсті
Алматы облысында Mercedes көлігін тізгіндеген жүргізуші ағашқа соғылып, жансақтау бөліміне түсті, деп хабарлайды Almaty-akshamy.kz.
Жол-көлік оқиғасы 24 сәуірде сағат 09:20 шамасында орын алды. Mercedes-тің 61 жастағы жүргізушісі "Алматы-Бішкек" тас жолымен келе жатып, 33-ші шақырымда рөлге ие бола алмай, ағашқа соғылды.
Алматы облысы ПД баспасөз қызметі хабарлағандай, зардап шеккен жүргізуші Қаскелең қаласындағы орталық аудандық ауруханаға шұғыл жеткізіліп, жансақтау бөліміне жатқызылды.