Оның ішінде 9 бала бар.
Алматыда бір тәулікте 66 адам КВИ жұқтырды. Оның 57-сінде симптом бар, 9-ында ауру белгілері жоқ, деп хабарлайды Almaty-akshamy.kz.
54 адам жазылып шықса, 14 адам ауруханаға жаңадан түсті. 845 төсек-орындық инфекциялық стационарларда 238 адам жатыр, оның ішінде 9 бала бар. Жалпы реанимация және қарқынды терапия бөлімшесінде 28 адам жатыр.
8 науқас жасанды тыныс алу аппаратына қосылған. Инвазивті емес жасанды тыныс алу аппаратында 5 адам ем қабылдауды жалғастыруда. High flow-да 4 аппарат жұмыс істейді.
«Медициналық-санитарлық алғашқы көмек мобильді бригадаларының және Телемедицина орталығының амбулаториялық бақылауында 577 науқас бар. Оның ішінде жеңіл және орташа ауыр жағдайда 552 науқас, симптомсыз 25 науқас бар»,- делінген Алматы қалалық қоғамдық денсаулық сақтау басқармасының баспасөз қызметінің хабарламасында.