Шаһар басшысының қабылдауына келгендердің арасында 28 гвардияшы-панфиловшылар атындағы саябақтағы ретсіз сауда жайын көтергендер де болды, – деп хабарлайды aqshamnews.kz тілшісі.
Дархан Сатыбалды аудан әкіміне полициямен бірлесіп, осы бағыттағы жұмысты күшейтуді және нәтижесі туралы баяндауды тапсырды.
Қабылдау барысында жер қатынастарына қатысты сауалдар да көп болды. Атап айтқанда, тұрғындар мемлекеттік қажеттілік үшін жер телімдерін сатып алу және жеке тұрғын үй құрылысына рұқсат беруді қозғады.
Баспана алу мәселесі бойынша да өтініштер түсті. Бұл ретте аталған саладағы мемлекеттік қолдау шаралары белгіленген кезектілік тәртібіне сәйкес көрсетілетінін түсіну маңызды.
Алматылықтар аула мен қоғамдық кеңістікті көркейтуге, қалалық инфрақұрылымды дамытуға қатысты өтінішін де жеткізді.
Әрбір мәселе назарға алынып, тұрғындарға тиісті түсініктеме берілді. Жауапты басқармаларға өтініштерді жан-жақты зерделеп, олардың орындалуын бақылауда ұстау тапсырылды.