Алматы әкімі Дархан Сатыбалды жұмыс сапары барысында Орталық саябақтағы жаңарту жұмыстарымен танысты.
Соңғы жылдары саябақта бірқатар игі істер атқарылды: жаңа фуд-корт салынды, спорт және балалар алаңдары, скейт-парк пайдалануға берілді. Субұрқақтар мен жарықтандыру жүйесі жаңартылып, жаяу жүргіншілер жолдарының 70 пайыздан астамы ретке келтірілді. 10 мыңнан астам ағаш пен бұта отырғызылды.
Дегенмен, саябақтың кейбір аумақтары ескірген және жөндеуді қажет етеді. Осыған байланысты қала әкімі жаңғырту жұмыстарын жалғастыруды тапсырды. Мақсат – тұрғындардың сүйікті демалыс орнын бұрынғыдан да жайлы ету.
Бұл жұмыстар «Таза Қазақстан» экологиялық бағдарламасының аясында да жүзеге асырылады. Бағдарлама қаладағы жасыл аймақтарды көбейтуге, экологиялық жағдайды жақсартуға және тұрғындардың салауатты өмір салтын қолдауға бағытталған.