Жыл басынан бері Алматыда 383 есірткі қылмысы анықталып, есірткі сатуға қатысты 107 деректің жолы кесілген.
Есірткі қылмысына қарсы күрес басқармасының мәліметінше, заңсыз айналымнан 227 келіден астам есірткі заттары тәркіленді. Оның ішінде, 67 келіден астам гашиш, 149,4 келі марихуана және 8,1 келі синтетикалық есірткі. Сонымен қатар “синтетика” шығаратын 7 зертхана жойылды, деп хабарлайды Almaty-akshamy.kz.
Сондай-ақ қаладағы ойын-сауық мекемелерінде есірткі таратудың 4 дерегінің жолы кесілді. Жедел бөлім жыл басынан бері 50 бетбелгі қоюшы және ҚР ҚК-нің 299-1-бабымен есірткі ресурстарын жарнамалаған 5 адам ұсталғанын хабарлады. Полицейлер еріктілермен бірлесіп, 242 профилактикалық іс-шара жүргізді 4500-ден астам граффити суретін бояды.