Алмалы ауданы тұрақты өсуді және әлеуметтік-экономикалық дамудың оң динамикасын көрсетуді жалғастыруда. Бұл туралы Алматы қаласының әкімі Ерболат Досаев аудан тұрғындарымен кездесу барысында мәлімдеді.
Ерболат Досаевтың айтуынша, 2024 жылы құрылыс (+20,6%), көтерме сауда (+6,4%) және өңдеу өнеркәсібі (+1,6%) сияқты секторлардағы өсімнің арқасында ауданның қысқа мерзімді экономикалық индикаторы 6,8% - ға ұлғайды.
Сондай-ақ, ауданда шағын және орта бизнес сенімді дамып келеді. Жұмыс істейтін ШОБ субъектілерінің саны 23% - ға өсіп, 71 мың бірлікке жетті, бұл 7,5 мың жаңа тұрақты жұмыс орнын құруға мүмкіндік берді. Жергілікті бюджетке 373 млрд теңге салықтар мен төлемдер түсті, бұл 2023 жылмен салыстырғанда 27% - ға артық.
Серпінді экономикалық өсімнің арқасында Алмалы ауданының бюджеті 2024 жылы 17,8% - ға ұлғайып, 24,1 млрд теңгеге жетті, ал 2025 жылы ол тағы 13,3% - ға өседі. Осылайша, 2025 жылы аудан бюджеті 27,8 млрд теңгені құрайды.
Жалпы, ағымдағы жылы қала экономикасына 2,2 трлн теңге тарту жоспарлануда. Еліміздің тарихында алғаш рет қалалық бюджет 2,2 трлн теңгеден асты. Даму бюджеті 2022 жылға қарай 2,2 есеге ұлғайып, 458 млрд теңгеге жетті.