Алматыдағы № 243 учаскесінде дауыс беру таңғы сағат 7-де басталды. Алғашқы келген сайлаушыларға сый ретінде шоколад берілді, деп хабарлайды aqshamnews.kz
Бөкен Сәрсенбайұлы мен Раушан Рапиева ерлі-зайыпты алғашқылардың бірі болып өз дауыстарын беруге келді.
«Референдумда дауыс беру — менің азаматтық борышым, сондықтан оны уақытында орындауға тырысамын», — деп бөлісті Бөкен-ата.
Сайлау учаскесінде «Аманат» партиясының, «Жастар үні» блогының, «Адам және қоғам» қоғамдық бірлестігінің және басқа да ұйымдардың өкілдері бақылаушы ретінде жұмыс істеуде.