Алматы әуежайында шетелдіктердің нәрестелерді елден алып шықпақ болғаны туралы ақпарат расталды
Алматы әуежайында Қазақстаннан суррогат аналардан туған балалармен шығуға тырысқан шетелдік азаматтар ұсталды, - деп хабарлайды Aqshamnews.kz.
11 қараша күні әуежайда Қытайдың екі отбасылық жұбы нәрестелермен бірге тоқтатылған. Дереккөздің мәліметінше, олардың балаларға қатысты құжаттары болғанымен, Қазақстан аумағынан шығуға рұқсат берілмеген.
Алматы қалалық полиция департаменті шетелдіктердің ұсталғанын растады.
"Аталған факті бойынша Алматы қаласы Полиция департаментінің Тергеу басқармасы ҚР ҚК-нің 135-бабы 1-бөлігі («Кәмелетке толмағандарды саудалау») бойынша қылмыстық іс қозғап, тергеу жүргізуде", - деп хабарлады полиция.
