COVID-19 инфекциясынан кейін әлемде вирус тарала бастағаннан бері 5 234 732 адам қайтыс болды.
Америкалық Джонс Хопкинс университетінің мәліметінше, жұма күні таңертең әлемде COVID-19 коронавирусын жұқтырғандар саны 264 231 311-ге жетті, деп хабарлайды Almaty-akshamy.kz INTERFAX.RU сайтына сілтеме жасап.
20 миллионнан астам тұрғыны COVID-19 инфекциясын жұқтырған елдерге АҚШ, Үндістан және Бразилия кіреді.
Вирус жұқтырған және қайтыс болған адамдар саны бойынша АҚШ алда тұр, онда COVID-19 жұқтырған 48 832 268 адам анықталды. Қайтыс болғандар саны 785 910 адамды құрады.
Инфекция жұқтырғандар саны бойынша екінші орында Үндістан тұр, онда COVID-19 расталған жағдайлардың саны 34 615 757-ге жетті. Елде вирусты жұқтырудың салдарынан қайтыс болғандар саны 470 115 адамға жетті.
Бразилия коронавирустың таралуы бойынша әлемде үшінші орында тұр, онда пандемия кезінде 22 118 782 жағдай тіркелді, оның ішінде 615 179 адам қайтыс болды.
Әлемдегі ең маңызды оқиғалардың статистикасына маманданған Worldometer порталының мәліметі бойынша, жұма күні әлем халқының 1 миллионына шаққандағы өлім көрсеткіші 673,5 болды. АҚШ-та 1 миллион тұрғынға шаққанда 2416 адам, Үндістанда 336, Бразилияда 2865 адам қайтыс болды.