Бүгінде қоғамды АЭС құрылысын кім салады, біздің технологиялық мүмкіндігіміз бар ма, әлде құрылыс шетелдік технологияға тәуелді бола ма деген сұрақтар мазалауда.
Әлемде атом электр станциясын толықтай өзі салған бірде-бір ел жоқ, бұл әрқашан консорциум негізінде жүзеге асады. Мысалы, автоматика ең жақсысы — Siemens болуы мүмкін, яғни Германия, Франция. Ең мықты реактор корпусы — Ресейде шығарылған болуы мүмкін. Ең жақсы жылу алмастырғыштар, турбиналар — Жапонияда, Toshiba. Ең жақсы цемент — Қытайда. Мен Ресей, Франция, Америка немесе Кореяны қолдағалы тұрған жоқпын. Атом өнеркәсібінің мықтылығы оның консервативтілігінде, барлық нәрсе жылдар бойы сыналған.
Егер референдумда халық атом энергетикасы керек деп шешсе, серіктестердің ұсыныстарын бағалап, салыстыру процесі басталады. Мамандар жобалардың техникалық, экономикалық және экологиялық параметрлерін бағалайтын болады. Ақырғы шешім әлі қабылданған жоқ, ол алдағы референдум нәтижесіне байланысты болады.