Республика бойынша жел күшейеді.
«Қазгидромет» мамандары көктемнің соңғы күні мен жаздың алғашқы күндері ауа райы қандай болатынын болжады, деп хабарлайды Almaty-akshamy.kz.
Мамыр айының соңғы күні Қазақстан аумағының басым бөлігі Сібірдің үстіндегі циклон жырасының ықпалында болады. Найзағай ойнап, оңтүстік-шығыста қатты жаңбыр, бұршақ жауып, дауыл тұрады деп күтіледі.
«Республика бойынша жел күшейеді. Алайда 1 маусым күні Батыс Қазақстанға Солтүстік антициклон әсер ете бастайды, ол республика аумағы арқылы шығыс бағытқа ауыса отырып, жауын-шашынның біртіндеп тоқтауына және температураның төмендеуіне алып келеді. 1-2 маусымында еліміздің батысында, солтүстік-батысында, солтүстігінде, орталығында түнгі және таңертеңгі сағаттарда топырақ бетінде 2 градусқа дейін үсік жүреді деп болжануда», - делінген «Қазгидромет» хабарламасында.