«Алатау серілері» қазақстандық этно-фольклорлық тобының солистері Қазақстанда атом электр станциясын (АЭС) салу мәселесі бойынша референдумға қатысты.
Алматының Алатау ауданындағы №157 мектепте орналасқан №505 сайлау учаскесіне Жасұлан Сақаев бәрінен бұрын келді.
«Бүгін мен азаматтық борышымды өтеуге келдім және дауыс бердім. Бүгінгі таңда жасалған әрбір таңдау еліміздің болашағына оң әсер ететініне сенімдімін», - деп атап өтті Жасұлан Сақаев. Қалған солистер де өз дауыстарын берді.
Естеріңізге сала кетейік, бүгін Қазақстан аумағында АЭС салу мәселесі бойынша республикалық референдум өтуде. Алматылықтар тұрғылықты жері бойынша сайлау учаскелеріне барып, сағат 20.00-ге дейін өз дауыстарын бере алады.