Экология министрлігі Алатау қаласының маңында, Алматы–Өскемен тас жолының бойына қоқыс төккен компанияға ірі көлемде айыппұл салды, деп хабарлайды Аqshamnews.kz тілшісі.
Мәліметке сәйкес, заңсыз қоқыс полигонын Алатау қалалық полиция департаменті тіркеген. Оқиға бойынша материалдар Алматы облысының Экология департаментіне жолданып, тиісті сұрау салынған.
Тексеру нәтижесінде қоқыстың "Нұр Астана Құрылыс" ЖШС-не тиесілі екені анықталған. Осыдан кейін экология департаменті әкімшілік хаттама толтырып, компанияға айыппұл салды.
