Алатау-сити қаласына ерекше мәртебе беріліп, тікелей Үкіметке бағынатын болады, деп хабарлайды Aqshamnews.kz.
Бұл туралы бүгін Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына жариялаған жолдауында айтты.
Мемлекет басшысы Алатау-сити қаласы төлем криптовалютамен жүргізілетін алғашқы цифрлық қалаға айналдыруды тапсырды.
Мемлекет басшысы Қасым-Жомарт Тоқаев Қытайға жасаған сапары кезінде әлемдік деңгейдегі компаниялармен көпмиллиардтық келісімдер жасалғанын айтты. Солардың бірі жаһандық Shenzhen технополисін салуға қатысқан және енді Alatau City жобасын іске асыруға тікелей атсалыспақ.
Президенттің тапсырмасымен 10 күннің ішінде қалаға үкіметке тікелей бағынатын арнайы мәртебе беру жөніндегі Жарлық жобасы дайындалуы тиіс. Ал алты айдың ішінде қала басқару тәртібі мен қаржылық үлгілерін айқындайтын жеке заң қабылданбақ.
«Арнайы құқықтық мәртебе – артықшылық емес, ол қажет шара. Alatau City өңірдегі алғашқы толыққанды цифрлық қалаға айналып, Smart City технологияларын және криптовалютамен төлем жүйесін қолданатын болады. Жаңа қала – Қазақстанның болашақ бейнесін көрсететін нысанға айналуы тиіс», – деді Президент.
Премьер-министр Бектеновке Президент инвестиция саласында ұсыныстар әзірлеу үшін 10 күн уақыт берді.