"Alatau Aqparat" медиахолдингінің журналисі Дина Литпин Түркітілдес журналистер қоры ұйымдастырған байқауда бас жүлдеге ие болды, - деп хабарлайды aqshamnews.kz тілшісі.
Түркітілдес журналистер қоры биыл журналистика саласындағы екі маңызды жоба – "Әлеумет – қоғам айнасы" және "Еркін сөз – 2025" байқауларының жеңімпаздарын марапаттады.
"Еркін сөз – 2025" байқауында "Сайттағы үздік мақала" бойынша бас жүлдені "Alatau Aqparat" медиахолдингінің журналисі Дина Литпин иеленді. Бұл жеңіс холдинг журналистерінің кәсіби шеберлігін, сондай-ақ, онлайн-журналистикадағы сапалы контентке деген ұмтылысты айқын көрсетті.
"Еркін сөз – 2025" байқауы аясында да бірқатар қаламгердің еңбегі еленді. Диана Біржанова 100 мың теңгелік жүлдені иеленсе, 500 мың теңгелік бас жүлделер бірнеше номинация бойынша табысталды:
- "Үздік ақпараттық бейнесюжет" номинациясында – Нүркен Әкімханов,
- "Газеттегі үздік мақала" бойынша – Гүлзия Тілекқабылқызы,
- "Сайттағы үздік мақала" аталымында басты жүлде "Alatau Aqparat" медиахолдингінің өкілі Дина Липпинге берілді.
Айта кетейік, Түркітілдес журналистер қоры "Еркін сөз" байқауын 9 жылдан бері өткізіп келе жатыр.