Оқушылар сарайында Алматы мектептерінің 9-11 сынып оқушылары арасында «Алаштың айбыны – Бауыржан Момышұлы» атты қалалық байқау өтті. Ұлы Жеңістің 80 жылдығы мен Б.Момышұлының 114 жылдығы аясындағы шараны Оқушылар сарайы мен Б.Момышұлы атындағы №131 мектеп-лицей ұйымдастырды.
Байқау 4 кезеңді қамтыды.
«Ешкім де ештеңе де ұмытылмайды» кезеңінде оқушылар Б.Момышұлының туындыларынан үзінділерді жатқа айтып, (өлеңдерінен, нақыл сөздерінен, прозалық шығармаларынан үзінділер ).
«Атадан қалған өсиет» кезеңінде жас ақындар Б.Момышұлына өздерінің арнау өлеңдерін оқиды.
«Болмасаң да, ұқсап бақ» кезеңінде Б.Момышұлының «Ұшқан ұя» шығармасы бойынша айбынды тұлғаның рухты бейнесін ашып, креативті көрініс қойды.
Байқауды соңғы кезеңінде қатысушылар жеребе бойынша тақырып алып, жазба жұмысын орындады. Эссеге қойылатын талаптар ескертілді.
Байқауға қатысушылардың өнері мен жұмыстарын құрамында белгілі ғалымдар мен үздік оқытушылар бар әділқазылар алқасы саралады. Жеңмпаздарды батырдың келіні Зейнеп Ахметова құттықтап, жүлделерді табыс етті.
«Ешкім де, ештеңе де ұмытылмайды» аталымы бойынша:
1 – орынды Ермекұлы Арман,
2 - орын Ниязбек Абдуррахим мен Қуаныш Айбын, 3 – орынға Байжанұлы Мағат, Нұржанқызы Аружан, Артельбек Айым лайық деп танылды.
«Атадан қалған өсиет» аталымы бойынша:
1 - орынға Мырзалы Ерназар, 2 – орынға Жұмахан Мирас, Жанғабыл Ерғұлан,және 3 – орынға Уалихан Нұрайым, Сабырқұл Абзал, Елжан Бейбарыс ие болды.
«Болмасаң да, ұқсап бақ» аталымына:
1 – орынды Б. Момышұлы атындағы №131 мектеп - лицей оқушылары,
2 – орынды №108 мектеп - гимназия оқушылары мен №187 мектеп оқушылары, 3 – орынды №138 гимназия, №59 мектеп - гимназия және №16 мектеп оқушылары жеңіп алды.
“Эссе жазу” аталымы бойынша:
1-орынға Құдайберген Аяжан, 2- орынға Серікхан Арыс, Маулен Жасмин
3- орынға Ахмет Айдана, Жұматай Тоғжан, Асланбек Каусар ие болды.
Тақырыпқа орай:
Роза Достанова, Б.Момышұлы атындағы № 131 мектеп-лицейінің директоры
-Біздің мектептің оқушылары даңқты қолбасшы, майдангер-жазушы Бауыржан Момышұлының өмірі мен шығармашылығымен жақсы таныс. Батырға арналған мұражай бар. Мектебімізде батырдың туған күнінде оқу озаттарын «жас Бауыржаншылар» қатарына қабылдау үрдісі бар. Олар батыр өсиетін орындап, елі мен жерін, тілі мен ділін құрметтеуге ант береді. Сол үдеден шығып та жүр. Өткізіліп отырған байқау барысында біз батыр шығармаларын кеңінен насихаттап, өскелең ұрпақты ұлттық ата-дәстүр рухына баулу арқылы жастардың шығармашылығын шыңдасақ дейміз. Оқушыларға Бауыржан Момышұлы шығармаларын насихаттай отырып, дарынды балаларға қолдау көрсетсек дейміз.