Актер Нұрсұлтан Жақсыгеннің үстінен екі қылмыстық бап бойынша іс қозғалғаны айтылды – деп хабарлайды aqshamnews.kz тілшісі.
Бұл туралы оның бұрынғы жары Фариза Алмазқызы әлеуметтік желідегі парақшасында мәлімдеді.
Фариза Алмазқызының жазуынша, Нұрсұлтан Жақсыгенге қатысты ҚР ҚК 115-1-бабы және ҚР ҚК 274-бабының 2-бөлігі, 3-тармағы бойынша қылмыстық істер тіркелген. Ол адвокатымен бірге аталған істердің соңына дейін жеткізіліп, заң аясында тиісті шешім қабылданатынын айтты.
Еске салсақ, бұған дейін желіде актердің экс-жұбайы мен бұрынғы қайын жұртына қатысты қорлау сипатындағы хаттары тараған еді. Осыдан кейін бірқатар танымал тұлғалар Фариза Алмазқызына қолдау білдірген.